மானேர் நோக்கி

மானேர் நோக்கி மணாளா போற்றி

வானகத் தமரர் தாயே போற்றி

பாரிடை ஐந்தாய்ப் பரந்தாய் போற்றி

நீரிடை நான்காய் நிகழ்ந்தாய் போற்றி

தீயிடை மூன்றாய்த் திகழ்ந்தாய் போற்றி

வளியிடை இரண்டாய் மகிழ்ந்தாய் போற்றி

வெளியிடை ஒன்றாய் விளைந்தாய் போற்றி

அளிபவர் உள்ளத் தமுதே போற்றி

கனவிலும் தேவர்க் கரியாய் போற்றி

நனவிலு நாயேற் கருளினை போற்றி

இடைமரு துறையும் எந்தாய் போற்றி

சடையிடைக் கங்கை தரித்தாய் போற்றி

ஆரூர் அமர்ந்த அரசே போற்றி

சீரார் திருவை யாறா போற்றி

அண்ணா மலையெம் அண்ணா போற்றி

ஏகம் பத்துறை எந்தாய் போற்றி